مظفرگڑھ میں ٹرک نے موٹرسائیکل سواروں کو کچل ڈالا 4 بہن بھائی جاں بحق

چاروں بچے ایک ہی موٹرسائیکل پر اسکول جارہے تھے کہ تیز رفتار ٹرک کی ذد میں آگئے، پولیس حکام: فوٹو : فائل

---

SIALKOT: ہیڈ کالو کے قریب ٹرک کی موٹر سائیکل کو ٹکر کے نتیجے اسکول جانے 4 بہن بھائی جاں بحق ہوگئے.

ایکسپریس نیوز کے مطابق مظفرگڑھ میں ہیڈ کالو کے قریب باقر شاہ نامی شخص کے چار بچے ایک ہی موٹرسائیکل پر اسکول جارہے تھے کہ تیز رفتار ٹرک نے انہیں کچل ڈالا، واقعے کے نتیجے میں تین بچے موقع پر ہی جاں بحق جب کہ ان کی چھوٹی بہن شدید زخمی ہوگئی۔

واقعہ کی اطلاع ملتے ہی ریسکیو کی ٹیمیں اور پولیس جائے وقوعہ پر پہنچی اور لاشوں اور زخمی بچی کو اسپتال پہنچایا گیا تاہم زخموں کی تاب نہ لاتے ہوئے بچی بھی دم توڑ گئی۔

اس خبرکوبھی پڑھیں: رکشے ٹرین کی زد میں

پولیس نے ٹرک ڈرائیور کو گرفتار کرکے ٹرک قبضے میں لے لیا ہے اور تحقیقات شروع کردی گئی ہیں۔ پولیس حکام کا کہنا ہے کہ ٹرک ڈرائیور کا میڈیکل ٹیسٹ کرایا جائے گا جس سے اس بات کا تعین ہوسکے گا کہ ڈرائیور نشے کی حالت میں تھا یا واقعہ حادثاتی طور پر رونما ہوا۔