جرمن اخبار نے بھی مریم نواز کا نام پاناما پیپرز میں شامل ہونے کے شواہد پیش کردیئے

مریم نواز پاناما پیپرز میں بتائی گئی آف شور کمپنیز کی بینیفشل آنر ہیں، دی جرمن ڈیلی. فوٹو: فائل

---

جرمن اخبار نے ایک بار پھر وزیراعظم نواز شریف کی صاحبزاری مریم نواز کے پاناما پیپرز میں شامل ہونے کی تصدیق کرتے ہوئے کچھ شواہد پیش کئے ہیں۔

جرمن اخبار ''دی جرمنی ڈیلی'' نے ٹویٹر پر اپنے سوشل میڈیا پیچ پر ٹویٹ کرتے ہوئے لکھا کہ جن لوگوں کو مریم نواز کے پاناما پیپرز میں شامل ہونے پر شبہ ہے ان کے لئے کچھ ثبوت بھی پیش کئے جا رہے ہیں۔

For those in #Pakistan who doubt the role of the prime ministers daughter Mariam Safdar in #panamapapers - some of the docs. Judge yourself. pic.twitter.com/DCd45aTxTK

— SZ Investigativ (@SZ_Investigativ) January 23, 2017

جرمن اخبار کے سوشل میڈیا اکاؤنٹ پر جاری کی گئی ٹویٹ کے مطابق مریم نواز پاناما پیپرز میں بتائی گئی آف شور کمپنیز کی بینیفشل آنر ہیں۔

اس خبر کو بھی پڑھیں: پاناما کیس میں سب فیصلے کا انتظار کریں، سپریم کورٹ

اس کے علاوہ کتاب پاناما پیپرز کے مشترک مصنف اور آئی سی آئی جے کے تفتیشی صحافی فریڈرک اوبرمیئر نے بھی اپنے ٹویٹ میں کہا ہے کہ سپریم کورٹ میں کیس زیر سماعت ہونے کے باوجود اگر کچھ لوگوں کو مریم صفدر کا نام پاناما پیپرز میں شامل ہونے پر شبہ ہے تو، ان کا نام پاناما پیپرز میں موجود ہے۔

As some - even after SC hearing - are raising doubts if Mariam Safdar #SharifFamily is really named in the PanamaPapers: Yes, she is. https://t.co/p4fMR8EcZw

— Frederik Obermaier (@f_obermaier) January 23, 2017

واضح رہے کہ وزیراعظم اور ان کے بچوں کی آف شور کمپنیوں کے حوالے سے تحریک انصاف اوردیگر جماعتوں کی جانب سے دایر درخواستوں کی سماعت سپریم کورٹ میں جاری ہے۔