سعودی عرب میں دہشت گردی کے الزام میں 13 پاکستانیوں سمیت 16 افراد گرفتار

گرفتار ملزمان کے قبضے سے بھاری مقدار میں اسلحہ اور گولہ بارود برآمد کیا گیا ہے، سعودی وزارت داخلہ فوٹو؛ فائل

---

سعودی عرب میں دہشت گردی کے الزام میں 16 افراد کو گرفتار کیا ہے جس میں سے 13 کا تعلق پاکستان سے ہے۔

سعودی عرب کی وزارت داخلہ کی جانب سے ٹوئٹر پر جاری بیان کے مطابق سیکیورٹی فورسز نے کارروائی کرتے ہوئے دہشت گردی کےالزام میں 16 افراد کو گرفتار کیا ہے جس میں سے 13 کا تعلق پاکستان اور دیگر 3 مقامی افراد ہیں۔

تم حتى تاريخه إيقاف (١٦) شخصا على ذمة هذه القضية بينهم (٣) سعوديين والبقية من الجنسية الباكستانية.

— وزارة الداخلية (@MOISaudiArabia) January 24, 2017

وزارت داخلہ کے بیان کے مطابق گرفتار کیے گئے ملزمان کے قبضے سے بھاری مقدار میں اسلحہ اور گولہ بارود بھی برآمد کیا گیا ہے تاہم گرفتار کیے گئے پاکستانی شہریوں کی شناخت ظاہر نہیں کی گئی اور نہ ہی اس حوالے سے تفصیلات سے آگاہ کیا گیا ہے۔

العثور على (٢) رشاش، ومسدس، و(١٦٥) طلقة حية، و(٦) طلقات مسدس. pic.twitter.com/jU492gNQd9

— وزارة الداخلية (@MOISaudiArabia) January 24, 2017

واضح رہے کہ دو روز قبل سیکیورٹی فورسز نے جدہ میں ایک مکان پر چھاپہ مار کارروائی کی تو اس دوران گھر میں موجود خودکش بمباروں نے خود کو دھماکے سے اڑا لیا تھا جس کے بعد سے سیکیورٹی فورسز کی مختلف شہروں میں کارروائیاں جاری ہیں۔