نئے سال پر سب کو خوشیاں نصیب ہوںبالی وڈ اسٹارز

سماجی ویب سائٹ کے ذریعے سال نو کے موقع پر مداحوں کو تہنیتی پیغام دینے والوں میں لتا منگھیشکر اور وویک اوبرئے بھی شامل ہیں۔ فوٹو : فائل

---

MELBOURNE: بالی وڈ فنکاروں نے سوشل میڈیا کے ذریعے نیوایئر نائٹ پر مداحوں کے لیے نیک تمناؤں کے پیغامات ارسال کیے ہیں ۔

نئے سال پر چاہنے والوں کو دلی مبارکباد دی ہے ۔ امیتابھ بچن نے ٹوئٹر پر تحریر کیا ہے کہ نیا سال تمام پرستاروں کو مبارک ہو،یہ سال خوشیوں سے بھراہو ،انوپم کھیر نے کہا کہ 2013تمام پرستاروں کے لیے نئی امیدوں کے ساتھ آسانیاں پیدا کرے ۔آشا بھوسلے کا کہنا ہے کہ نئے سال پر سب کے لیے دعا گو ہوں۔

لتا منگیشکر نے لکھا ہے کہ حالات میں بہتری آئے ،اکشے نے دعادی ہے کہ سبھی دولت میں کھیلیں ۔مادھوری ڈکشٹ کا کہنا ہے کہ نئے سال پر سب کو خوشیاں نصیب ہوں ۔ابھیشک نے کہا سبھی محفوظ رہیں ۔کرن جوہر نے کہا کہ بچھڑے ملیں گے ۔سونم نے کہا کہ مثبت تبدیلی آئے گی ۔مدھر بھنڈارکر،علی ظفر ،ویوک اوبرائے ،تشار کپور ،منوج باجپائی ،ارجن رامپال ،دیویا دتا اور روینہ ٹنڈن نے نئے سال پر پرستاروں کے لیے ڈھیروں خوشیوں کی دعاکی ہے ۔