وقاریونس کے دورِکوچنگ میں خود کوغیر محفوظ سمجھتا تھاسرفرازاحمد

وقار یونس جس وقت ہیڈ کوچ تھے تب یہ رائے پائی جاتی تھی کہ وہ سرفراز احمد کو پسند نہیں کرتے ۔ فوٹو فائل

---

وکٹ کیپر بیٹسمین سرفراز احمد نے تسلیم کیا کہ سابق ہیڈ کوچ وقار یونس کے دور میں وہ خود کو غیر محفوظ سمجھتے تھے۔

اس خبر کو بھی پڑھیں :سرفرازسے متعلق سوال پر وقاریونس پریس کانفرنس چھوڑ کرچلے گئے

وقار یونس جس وقت ہیڈ کوچ تھے تب یہ رائے پائی جاتی تھی کہ وہ سرفراز احمد کو پسند نہیں کرتے اور موقع ملنے پر انھیں ٹیم سے باہر کرنے میں دیر بھی نہیں لگاتے، ورلڈ کپ 2015 کے دوران ان کے ساتھ روا رکھا جانے والا سلوک بھی سب کے سامنے ہے۔

اس خبر کو بھی پڑھیں :وقاریونس بڑے ہیں اگر کچھ کہہ بھی دیں تو جواب نہیں دوں گا

اب خود سرفراز نے بھی اس بات کی تصدیق کردی کہ وہ خود کو وقار یونس کے دور میں انتہائی غیر محفوظ سمجھتے تھے اور یہ خوف ان کے دل میں بیٹھا ہوا تھا کہ اگر وہ زبان کھولیں گے تو انھیں پاکستانی ٹیم سے ہی باہر کردیا جائے گا۔