حسن علی ون ڈے میں 100 رنز دینے والے دوسرے پاکستانی بولر بن گئے

پاکستان کی جانب سے تیسرے مہنگے ترین بولر بھی 93 رنز کے ساتھ وہاب ریاض ہیں۔ فوٹو : فائل

---

حسن علی ون ڈے انٹرنیشنلز میں 100 رنز دینے والے دوسرے پاکستانی بولر بن گئے۔

ایڈیلیڈ اوول میں پیسر نے 9 اوورز میں 100 رنز دیے اور دوسرے مہنگے ترین پاکستانی بولر بنے، وہاب ریاض اس لسٹ میں سب سے اوپر ہیں، انہوں نے گزشتہ سال انگلینڈ کے خلاف نوٹنگھم میں 10 اوورز میں 110 رنز کی پٹائی برداشت کی تھی اور وہ پاکستان کے پہلے بولر بنے تھے جن کے خلاف 100 یا اس سے زائد رنز بنے۔

اس خبر کو بھی پڑھیں : آسٹریلیا نے پانچویں ون ڈے میں پاکستان کو شکست دیکر سیریز اپنے نام کرلی

پاکستان کی جانب سے تیسرے مہنگے ترین بولر بھی 93 رنز کے ساتھ وہاب ریاض ہیں، بلاول بھٹی بھی اتنے ہی رنز کھا کر ساتھ موجود ہیں، رانا نوید الحسن 92، سہیل تنویر 87، وقار یونس اور وہاب ریاض 86,86، عطاء الرحمان 85 جبکہ عبدالرزاق 83 رنز دے کر اس فہرست میں موجود ہیں۔