فلم ’’دنگل‘‘ نے بھارتی سینما میں نئی تاریخ رقم کردی

فلم بھارت سمیت دنیا بھر میں 721 کروڑ 14 لاکھ کی کمائی کرچکی ہے۔ فوٹو: فائل

---

BRASILIA: بالی ووڈ کے مسٹر پرفیکشنسٹ عامر خان کی فلم''دنگل'' بھارتی سنیما کی کامیاب ترین فلم بن گئی ہے۔

بالی ووڈ اسٹار عامر خان کی فلم'' دنگل'' بھارت میں اپنی ریلیز کے 5 ویں ہفتے میں ہی میں 383 کروڑ 10 لاکھ کا بزنس کرکے آل ٹائم بلاک بسٹر بن گئی ہے، فلم ڈومیسٹک سطح پر سب سے زیادہ کمائی کرنے والی فلم ہے جس نے ان ہی کی فلم ''پی کے'' کا 340 کروڑ کا ریکارڈ بھی توڑ دیا ہے۔

#Dangal [Week 5] Fri 1.19 cr, Sat 2.10 cr, Sun 2.83 cr, Mon 94 lacs, Tue 1.01 cr. Total: ₹ 383.10 cr. India biz. ALL TIME BLOCKBUSTER.

— taran adarsh (@taran_adarsh) January 25, 2017

فلم ''دنگل'' دنیا بھر میں بھی 200 کروڑ سے زائد کا بزنس کرنے میں کامیاب ہوچکی ہے جس کے بعد مجموعی طور پر بھارت سمیت دنیا بھر میں 721 کروڑ 14 لاکھ کی کمائی کرکے بالی ووڈ کی دوسری بڑی فلم بن گئی ہے۔

#Dangal crosses ₹ 200 cr internationally... OVERSEAS - Till 22 Jan: $ 29.43 million [₹ 200.65 cr]... FABULOUS!

— taran adarsh (@taran_adarsh) January 23, 2017

واضح رہے کہ عامر خان کی ہی فلم ''پی کے'' 792 کروڑ کے ساتھ سب سے زیادہ کمائی والی فلموں میں سر فہرست ہے۔