میچ کے دوران باسکٹ بالر کی آنکھ باہرآ گئی 

امریکی پلیئر تکلیف کے باعث زمین پر گر گئے جس کے بعد انھیں فوری طور پراسپتال منتقل کردیا گیا ۔ فوٹو ٹوئیٹر

---

KARACHI: نیوزی لینڈ بریکرز کیلئے کھیلنے والے امریکی باسکٹ بالر آکل مچل کی آنکھ حریف پلیئر کی انگلی لگنے سے باہر نکل آئی۔

آکلینڈ میں باسکٹ بال میچ کے دوران یہ حادثہ پیش آیا، امریکی پلیئر تکلیف کے باعث زمین پر گر گئے جس کے بعد انھیں فوری طور پراسپتال منتقل کردیا گیا۔ مقامی ریڈیو سے گفتگو میں متاثرہ پلیئر نے کہا کہ انگلی لگنے کے فوراً بعد مجھے اپنی آنکھ ہتھیلی پر محسوس ہوئی تو معاملے کی نزاکت کا احساس ہوا، ایمبولینس میں درد اور آنکھ کی دوا ملنے کے بعد محسوس ہوا کہ آنکھ واپس اپنی جگہ پر آ گئی ہو۔

👀... too soon? Lol thanks for all the love, well wishes, and prayers tonight. I'm home and seeing fine, more tests tomorrow

— Akil Mitchell (@ajmitchell25) January 26, 2017

اسپتال سے فارغ ہونے کے بعد سماجی رابطے کی ویب سائٹ ٹوئیٹر پر مداحوں کو اپنی خیریت سے آگاہ کرتے ہوئے انہوں نے کہا کہ اب میں ٹھیک ہوں، دونوں آنکھوں سے دیکھ سکتا ہوں اور جلد کھیل کے میدان میں واپس آؤں گا۔