اب شرٹ پینٹ سے نکل کردکھائے

یورپی ملک سلوسینیا کے 21 سالہ ڈیزائنرنے ایسی چیز ایجاد کی ہے جس سے شرٹ کو پینٹ کے اندرہی رکھا جاسکے گا

ویب ڈیسک January 28, 2017

یورپی ملک سلوسینیا کے 21 سالہ ڈیزائنرنے ایسی چیز ایجاد کی ہے جس سے شرٹ کو پینٹ کے اندرہی رکھا جاسکے گا۔ فوٹو:فائل

مردوں کے لئے اٹھتے بیٹھے شرٹ کا پینٹ سے باہر آنا ہمیشہ سے ہی شرمندگی کا باعث رہا ہے لیکن اب اس کا بھی حل تلاش کرلیا گیا ہے۔

یورپی ملک سلووینیا کے ایک ڈیزائنر نے ایسے افراد کی مشکل حل کردی جو شرٹ کے پینٹ سے باہر آنے سے شدید پریشان ہیں۔ آفس میں کام کرنے والے ملازمین بعض اوقات کام میں اتنے مصروف ہوتے ہیں کہ انہیں معلوم ہی نہیں ہوتا کہ ان کی شرٹ آدھی پینٹ میں اور آدھی باہر ہے جس کی وجہ سے ان کی شخصیت متاثرہورہی ہے جب کہ عام طور پر ایسے شخص کو سست اور کاہل تصور کیا جاتا ہے جس کی شرٹ پینٹ سے باہر ہو۔

سلوسینیا کے 21 سالہ ڈیزائنر نک وینی نے ایسا شرٹ ہولڈر ایجاد کیا ہے جس کی مدد سے شرٹ پینٹ سے باہر نہیں آئے گی اور آپ اٹھتے بیٹھے مطمئن رہیں گے یہ شرٹ پینٹ کے اندر ہی ہے۔ شرٹ ہولڈر لاسٹک سے بنا ہوا ہے جسے گھٹنے سے اوپر ران پر پہنا جاتا ہے جس میں لگے تین الاسٹک ربڑ ایک ایک کلپ سے جڑے ہیں جو شرٹ کو مضبوطی سے پکڑے رکھتے ہیں۔

21 سالہ نک وینی کی اس ایجاد کو بے حد سراہا جارہا ہے اور اسے مارکیٹ میں ہاتھوں ہاتھ لیا جارہا ہے جس پر نک بے حد خوش ہیں۔ نک وینی کا کہنا ہے کہ وہ شرٹ کے پینٹ سے باہر آنے کے باعث بے حد پریشان تھے اور اس کے حل کیلئے کئی بار مارکیٹ میں ایسی چیز تلاش کرنے کی کوشش کی جس سے ان کا مسئلہ حل ہوجائے لیکن اس میں انہیں ناکامی ہوئی اور بالاخر کافی سوچ و بچار کے بعد انہوں نے گھر میں ہی شرٹ ہولڈر ایجاد کیا جس کا نام انہوں نے "ایس ہولڈر" رکھا ہے۔