لولیا سلمان خان کے غیر سنجیدہ رویے سے تنگ

گووا میں ہونے والی گھر کی تقریب میں لولیا کے علاوہ سلمان خان کے خانادان کے سب ہی لوگ موجود تھے۔ فوٹو: فائل

---

رومانیہ کی ماڈل گرل لولیا وینتر اور سلمان خان کی گہری دوستی گزشتہ ایک عرصے سے خبروں کی زینت بنی ہوئی تھی اورلولیا کا بار بار بھارت آجانا اور اداکار سلمان خان کے خاندان کے ساتھ وقت گزارنا بھی ان دونوں کی شادی کا اشارہ دے رہے تھے لیکن اب شا ید لولیا سلمان خان کے غیرسنجیدہ رویے سے تنگ آگئی ہیں۔

بھارتی میڈیا رپورٹس کے مطابق رومانیہ کی ماڈل لولیا وینترنہ صرف سلمان خان کے ساتھ ان کی شوٹنگ کے دوران ساتھ ہوتی تھیں بلکہ وہ ان کے خاندان میں ہونے والی ہر تقریب کے دوران بھی آگے آگے نظرآتی تھیں لیکن گزشتہ دنوں بھارتی شہرگووا میں ہونے والی گھرکی تقریب میں لولیا کے علاوہ سلمان خان کے خانادان کے سب ہی لوگ موجود تھے۔

اس خبر کو بھی پڑھیں:سلمان کی لولیا سے شادی کی خبر

میڈٰیا رپورٹس کے مطابق ماڈل جلد ہی اداکار کے باندرہ میں گلیکسی فلیٹس میں منتقل ہونے والی تھیں لیکن وہ سلمان خان کے غیر سنجیدہ رویے سے تنگ آگئی ہیں اور انہوں نے بھارت کا ویزا نہ ملنے کا بہانہ بنا کرسلمان سے دوری اختیارکرلی ہے۔

اس خبرکو بھی پڑھیں: سلمان اورمیرے بیچ سب کچھ ٹھیک

واضح رہے کہ کچھ عرصے سے سلمان خان اورلولیا کی منگنی اورشادی کی خبریں گردش کر رہی تھیں تاہم سلمان خان یا لولیا نے اس بات کی کبھی تصدیق نہیں کی۔