کراچی عائشہ منزل دھماکے کا مقدمہ تاحال درج نہیں کیا گیا

عائشہ منزل کے قریب ہونے والے بم دھماکے کی تحقیقات میں کوئی اہم پیشرفت نہ ہوسکی، واقعہ کا مقدمہ بھی تاحال درج نہیں کیا گیا۔


آج صبح ایف آئی اے کی تحقیقاتی ٹیم نےجائے وقوعہ کا دورہ کیا اور شواہد اکٹھے کئے، تفتیش کے دوران یہ بات سامنے آئی ہے کہ بم موٹرسائیکل کی سیٹ کے نیچے لگایا گیا تھا جبکہ دھماکے میں 5 کلو سے زائد بارودی مواد استعمال کیا گیا تھا۔

تحقیقاتی اداروں نے جائے وقوعہ کو سیل کردیا ہے جبکہ سی آئی ڈی، ایس آئی یو اور دیگر ادارے تحقیقات میں مصروف ہیں۔