صدر آصف زرداری نے کہا ہے کہ سیاست کرنا جمہوری قوتوں کا حق ہے لیکن جمہوری روایت کو نظر انداز نہ کیا جائے۔

بلاول ہاؤس کراچی میں صدرآصف زرداری سے وزیراعظم راجہ پرویز اشرف اور وزیرخزانہ عبدالحفیظ شیخ نے ملاقات کی، ملاقات میں ملک کی موجودہ سیاسی صورتحال، بالخصوص 14 جنوری کو ہونے والے لانگ مارچ پر تبادلہ خیال کیا گیا۔

اس موقع پر صدرآصف زرداری کا کہنا تھا کہ حکومت ملک میں سیاسی اور معاشی استحکام کے ایجنڈے پر عمل پیرا ہے، عوام کو بجلی گیس کی فراہمی کے لئے ہنگامی بنیادوں پر اقدامات کی ضرورت ہے، انہوں نے حکومت کو ہدایت کی کہ توانائی کے بحران سے نمٹنے کے لئے جامع پالیسی مرتب کرے۔