فلم رئیس نے 4 دن میں 75 کروڑ روپے کمالیے

فلم "رئیس" میں مداحوں کو شاہ رخ اورمائرہ کا کردار خوب پسند آیا فوٹو: فائل

---

شا ہ رخ اورپاکستانی اداکارہ ماہرہ خان کی فلم ''رئیس'' نے ریلیزکے پہلے ہی دن سے باکس آفس پر اپنا سکہ جمالیا تھا تاہم فلم اب تیزی سے 100 کروڑ کلب میں شامل ہونے جارہی ہے۔

بھارتی میڈیارپورٹس کے مطابق شا ہ رخ اورپاکستانی اداکارہ ماہرہ خان کی فلم ''رئیس'' ریلیز سے قبل ہی اپنے گانوں کے حوالے سے کافی مشہورہوگئی تھی جب کہ ریلیز کے بعد فلم کی کہانی بھی مداحوں کوخوب پسند آئی جس کی مثال اس کا پہلے، دوسرے، تیسرے اورچوتھے روزکا بزنس ہے۔

اس خبرکو بھی پڑھیں: ماہرہ خان کی فلم رئیس کی آئندہ ماہ پاکستان میں نمائش کا امکان

فلم نے پہلے روز20 کروڑ42 لاکھ، دوسرے روز26 کروڑ 30 لاکھ، تیسرے روز13 کروڑ 11 لاکھ جب کہ چوتھے روز 15 کروڑ 61 لاکھ کما کرمجموعی طور پر 75 کروڑ 44 لاکھ کمالیے ہیں۔

#Raees is EXCELLENT... Wed 20.42 cr, Thu 26.30 cr, Fri 13.11 cr, Sat 15.61 cr. Total: ₹ 75.44 cr. India biz.

— taran adarsh (@taran_adarsh) January 29, 2017

اس خبرکو بھی پڑھیں: ''رئیس'' نے ''کابل'' کو پیچھے چھوڑ دیا

دوسری جانب پاکستان میں فلم ''رئیس'' کی نمائش کے امکانات آئندہ ماہ فروری کے پہلے ہفتے کے لیے بھی روشن ہوگئے ہیں جس کے بعد فلم کے بزنس میں مزید تیزی سے اضافہ متوقع ہے۔

واضح رہے کہ فلم "رئیس" میں پاکستانی اداکارہ ماہرہ خان کے مرکزی کردارکے باعث شروع اِسے ہندو انتہا پسند تنظیموں کی جانب سے شدید کا سامنا کرنا پڑا جب کہ شیوسینا کے غنڈوں نے فلم ریلیزکرنے پر سینما مالکان کو سنگین نتائج بھگتنے کی دھمکیاں بھی دی تھیں۔