ٹنڈو الہیار زمیندار کے دھوکے میں ہاری اغوا شبہے میں 2افراد گرفتار

ایک ملزم پولیس کو چکمہ دے کر فرار، مغوی کی بازیابی کے لیے آپریشن جاری ہے۔ فوٹو: فائل

---

مسلح ڈاکو مقامی زمیندار کے ہاری کودھوکے میں اغوا کرکے لے گئے۔

پولیس نے شک کی بنا پر 2 افراد کو حراست میں لے لیا، ایک پولیس کو چکمہ دیکر فرار جبکہ دوسرے سے تفتیش جاری ہے۔ ٹنڈو جام کے نزدیک مغوی کی بازیابی کیلیے سرچ آپریشن جاری ہے۔ تفصیلات کے مطابق ٹنڈو الٰہیار تھانے کی حدود میں واقع کاکی پوٹہ اسٹاپ سے مسلح ڈاکو مقامی زمیندار کو اغوا کرنے آئے تھے اور اس کے دھوکے میں ہاری چھانو بھیل کو اغوا کرکے لے گئے۔



واقعے کی اطلاع پر پولیس نے علاقے سے 2 افراد کو حراست میں لیا تھا، ذرائع کا کہنا ہے کہ ایک گرفار شخص پولیس کو چکمہ دیکر فرار ہوگیا جبکہ دوسرے سے تفتیش جاری ہے، دوسری جانب ٹنڈو الٰہیار پولیس حراست میں لیے جانےوالے کی اطلاع پر ٹنڈو جام کے نزدیک مغوی کو بازیاب کرانے کیلیے سرچ آپریشن جاری رکھے ہوئے۔