اپوزیشن لیڈر خورشید شاہ نے کہا ہے کہ لیگی حکمرانوں پر کرپشن کا دھبہ مزید سیاہ اور گہرا ہوتا جا رہا ہے، سابقہ ادوار میں پیپلز پارٹی کے ساتھ ناانصافی ہوئی۔

سکھر میں اپنی رہائش گاہ پر اپنی عیادت کے لیے آنیوالے رحیم یار خان کے پارٹی وفد سے گفتگو کرتے ہوئے کہا کہ پاناما اسکینڈل میں پیپلز پارٹی کے وزیراعظم پر دس فیصد بھی کرپشن کا الزام لگتا تو اب تک ہمارے خلاف ایک طوفان کھڑا ہو چکا ہوتا۔