کنگنا رناوت نے ہالی ووڈ میں جاکرکام کرنے کو بے وقوفی قراردے دیا

میرا ہالی ووڈ جاکرکام کرنے کا کوئی بھی ارادہ نہیں ہے، اداکارہ: فوٹو: فائل

---

بالی ووڈ کی اداکارہ پریانکا چوپڑا اوردپیکا پڈوکون بالی ووڈ میں کامیابی سمیٹ کر ہالی ووڈ میں بھی تیزی سے ترقی کی سیڑھیاں چڑھ رہی ہیں جب کہ اداکارہ سونم کپور بھی ہالی ووڈ میں قدم رکھنے کے لیے بالکل تیار بیٹھی ہیں لیکن جب بے باک اور اپنے خیالات کا برملا اظہارکرنے والی اداکارہ کنگنا رناوت سے وہاں جاکر کام کرنے کے حوالے سے پوچھا گیا توانہوں نے بڑی انڈسٹری میں جاکر کام کرنے والوں کو بے وقوف قراردے دیا۔

بھارتی میڈیا رپورٹس کے مطابق بالی ووڈ اداکارہ کنگنا رناوت سے تقریب میں انٹرویو کے دوران ہالی ووڈ میں جاکر کام کرنے کے حوالے سے پوچھا گیا تو ان کا کہنا تھا کہ ہالی ووڈ میں جاکرکام کرنا میری نظر میں بے وقوفی ہے جہاں خود ہالی ووڈ کے تھیٹر کا کاروبار تباہ ہورہا ہے۔

اس خبرکو بھی پڑھیں: کنگنا کا 2017 میں شادی کرنے کا اعلان

اداکارہ کا کہنا تھا کہ ایشیا میں فلم انڈسٹری مضبوط سے مضبوط ترہوتی جارہی ہے بالکل ویسے ہی جیسے ہالی ووڈ آج سے 15 برس پہلے تھی اس لیے بالی ووڈ میں کام کرنا بہترین ہے۔ اداکارہ نے اپنے حوالے سے بھی صاف صاف بتایا کہ ان کا ہالی ووڈ جاکر کام کرنے کا کوئی بھی ارادہ نہیں ہے۔

اس خبرکوبھی پڑھیں: صحافی کے سوال پر کنگنا کا پیار بھرا طمانچہ

واضح رہے کہ اداکارہ کنگنا رناوت آج کل اپنی نئی آنے والی فلم رنگون کی پروموشن میں مصروف ہیں جس میں ان کے ہمراہ اداکار سیف علی خان اور اداکار شاہد کپوربھی جلوہ گرہوں گے۔