لاہور: سکھر سمیت اندرون سندھ میں خسرہ سے ہلاکتوں کا سلسلہ جاری ہے، مہلک بیماری نے مزید 5 ماؤں کی گود اجاڑ دی جبکہ 17 دنوں میں جاں بحق بچوں کی تعداد 157 ہوگئی ہے۔

سرکاری اعداد وشمار کے مطابق 3 ہزار سے زائد بچے خسرہ میں مبتلا ہوچکے ہیں جبکہ کئی بچے، اسپتالوں اور دیہی صحت مراکز میں زیر علاج ہیں۔

محکمہ صحت کی جانب سے ویکسینیشن کا سلسلہ شروع کیا گیا ہے تاہم ابھی بھی عملے کی کمی کی وجہ سے بہت سارےبچے ویکسینیشن سے محروم ہیں جس سے ہلاکتوں میں اضافے کا خدشہ ہے۔