چارسدہ میں پولیس کی کارروائی 3 دہشت گرد گرفتار

دہشت گردوں کے قبضے سے 3 خودکش جیکٹس، 5 ہینڈ گرنیڈ اور ایک راکٹ لانچر بھی برآمد ہوا ہے، ڈی پی او چارسدہ۔ فوٹو : فائل

---

پولیس نے کارروائی کے دوران 3 دہشت گردوں کو گرفتار کرکے ان کے قبضے سے بھاری تعداد میں اسلحہ برآمد کرلیا۔

ایکسپریس نیوز کے مطابق چار سدہ کے علاقے پڑانگ قبرستان میں پولیس نے خفیہ اطلاع پر کارروائی کے دوران 3 دہشت گردوں کو گرفتار کرلیا جب کہ ان کے قبضے سے بھاری تعداد میں اسلحہ بھی برآمد ہوا ہے۔

اس خبر کو بھی پڑھیں : پولیس کی کارروائی کے دوران بھاری تعداد میں اسلحہ برآمد

ڈی پی او چارسدہ سہیل خالد کے مطابق دہشت گردوں سے 3 خودکش جیکٹس، 5 ہینڈ گرنیڈ اور ایک راکٹ لانچر سمیت پولیس کی وردیاں بھی برآمد ہوئی ہیں، دہشت گردوں نے سرکاری عمارتوں کو ریکی بھی کی ہوئی تھی تاہم دہشت گردوں سے تفتیش کے لیے نامعلوم مقام پر منتقل کردیا گیا ہے۔