امریکی وزیر خارجہ ہیلری کلنٹن صحت یاب ہونے کے بعد اسپتال سے گھر منتقل ہوگئی ہیں۔

اہیلری کلنٹن صحت کی خرابی کے باعث گزشتہ ہفتے سے نیویارک کی اسپتال میں زیرعلاج تھیں جبکہ ہیلری کلنٹن کے بارے میں ڈاکٹرز کا کہنا تھا کہ ان کے دماغ اور کھوپڑی کے درمیان خون جمنے کی وجہ سے پیچیدگیاں پیدا ہو گئی تھیں۔

ہیلری کلنٹن کے خاندانی ذرائع نے تصدیق کی ہے کہ ہیلری کو اسپتال سے گھر منتقل کردیاگیا ہے ، تاہم ڈاکٹرز کا کہنا ہے کہ ہیلری کے اسپتال سے جانے کے باوجود ان کی صحت کی نگرانی جاری رکھی جائے گی ۔