بھارتی فوج کی ایل او سی پر بلا اشتعال فائرنگ پاک فوج کا بھرپور جواب

بھارت نے لائن آف کنٹرول پر غیر ذمے دارانہ رویہ جاری رکھا ہوا ہے، آئی ایس پی آر - فوٹو؛ فائل

---

ISLAMABAD: بھارتی فورسز نے لائن آف کنٹرول پر بلااشتعال فائرنگ کی جب کہ پاک فوج کی جانب سے بھرپور جوابی کارروائی کی گئی۔

پاک فوج کے شعبہ تعلقات عامہ (آئی ایس پی آر) کے مطابق بھارت نے لائن آف کنٹرول پر غیر ذمے دارانہ رویہ جاری رکھا ہوا ہے جب کہ آج بھی بھارتی فوج کی جانب سے خنجر سیکٹر پر بلااشتعال فائرنگ کی گئی جس کے جواب میں پاک فوج نے بھرپور کارروائی کی جس سے بھارتی بندوقیں خاموش ہوگئیں۔

ذرائع کے مطابق بھارتی فوج کی فائرنگ سے فی الحال کسی جانی نقصان کی اطلاع نہیں ملی ہے تاہم وقفے وقفے جاری فائرنگ کے سلسلے پر پاک فوج کی بھرپور کارروائی بھی جاری ہے۔