بغدادی پولیس نے نور محمد عرف بابا لاڈلا اور اس کے ساتھیوں کے خلاف5 مقدمات درج کر لیے۔

ایس ایچ او بغدادی انسپکٹر ظفر اقبال نے بتایا کہ نور محمد عرف بابا لاڈلا ، سکندر عرف سکو اور یاسین بابا کے خلاف پولیس مقابلے اسلحہ ایکٹ، دہشت گردی ایکٹ اور ایکسپلوزو ایکٹ سمیت 5 مقدمات درج کیے گئے ہیں۔

پولیس کا کہنا ہے کہ نور محمد عرف بابا لاڈلا کی ہلاکت کے بعد اس کی تلاشی کے دوران ایک جعلی پاکستانی شناختی کارڈ اور ایک ایرانی شناختی کارڈ برآمد کیا گیا ہے۔