لیہ میں ٹرک کی اسکول وین کوٹکرسے 7 طلبا سمیت 10 افراد جاں بحق 11 زخمی

فتح پور کے قریب ٹرک کی اسکول وین کو ٹکر سے 7 طالب علموں سمیت 10 افراد جاں بحق اور 11 زخمی ہو گئے۔

ایکسپریس نیوز کے مطابق لیہ میں فتح پور کے قریب ایم ایم عالم روڈ پر دھند کے باعث ٹرک بے قابو ہو کر اسکول وین سے ٹکرا گیا جس کے نتیجے میں 7 طالب علم، 2 اساتذہ اور وین کا ڈرائیور جاں بحق جبکہ 11 بچے زخمی ہو گئے۔


اس خبر کو بھی پڑھیں: دو رکشے ٹرین کی زد میں آنے سے 8 بچوں سمیت 9 افراد جاں بحق

امدادی ٹیموں کے اہلکاروں نے حادثے میں زخمی ہونے والے افراد کو طبی امداد کے لئے ڈسٹرکٹ ہیڈ کوارٹر اسپتال منتقل کردیا جہاں زخمیوں کو طبی امداد دی جا رہی ہے جبکہ شدید زخمیوں کو ملتان منتقل کر دیا گیا ہے۔