الطاف حسین کی صدر زرداری کو پیپلز پارٹی کی حمایت جاری رکھنے کی یقین دہانی

صدر زرداری اور الطاف حسین کے درمیان ملکی امور پر بھی تبادلہ خیال کیا گیا۔ فوٹو: فائل

---

ایم کیو ایم کے قائد الطاف حسین نے صدر آصف علی زرداری کو پیپلز پارٹی کی حمیات جاری رکھنے کی یقین دہانی کرائی ہے۔

صدر آصف علی زرداری اور ایم کیو ایم کے قائد الطاف حسین کے درمیان ہونے والی ٹیلی فونک گفتگو میں ملک کی مجموعی صورت حال اور دیگر اہم امور پر تبادلہ خیال کیا گیا۔ ٹیلیفونک گفتگو کے دوران الطاف حسین نے پیپلز پارٹی کی حکومت کی حمایت جاری رکھنے کی یقین دہانی کرائی۔ ایم کیو ایم کے قائد الطاف حسین کا کہنا تھا کہ دونوں جماعتوں کا اتحاد جاری رہے گا۔

واضح رہے کہ گزشتہ روز ایم کیو ایم کی جانب سے تحریک منہاج القرآن کے 14 جنوری کے لانگ مارچ میں شرکت کے اعلان کے بعد وفاقی وزیر داخلہ رحمان ملک نے لندن میں الطاف حسین سے ملاقات بھی کی تھی۔