سپریم کورٹ نے کل پیر 6 فروری سے شروع ہونے والے عدالتی ہفتے کے دوران مقدمات کی سماعت کے لیے 5 بینچ تشکیل دے دیے ہیں۔

پاناما لیکس کی تحقیقات کے لیے دائر درخواستوں کی سماعت لارجر بینچ کے رکن جسٹس عظمت سعید شیخ کی صحتیابی اور دستیابی سے مشروط ہوگی۔

عدالت عظمیٰ کی کاز لسٹ کے مطابق پہلا بینچ چیف جسٹس میاں ثاقب نثار کی سربراہی میں جسٹس عمر عطا بندیال اور جسٹس فیصل عرب، دوسرا بینچ جسٹس آصف سعید کھوسہ کی سربراہی میں جسٹس دوست محمد اور جسٹس قاضی فائز عیسیٰ پر مشتمل ہوگا۔