فلم کی پاکستان میں نمائش سے متعلق کوئی بھی فیصلہ پیر کو ہوگا۔ فوٹو: نیٹ
بھارتی فلم رئیس کی پاکستان میں اگلے دو روزمیں نمائش متوقع تھی۔ اس فلم میں شاہ رخ خان اور ماہرہ خان نے اداکاری کے جوہردکھائے ہیں۔ اگرچہ اس فلم کو سندھ اور پنجاب کے سنسربورڈز نے یو سرٹیفکیٹ جاری کردیے تھے تاہم ابھی تک سینٹرل سنسر بورڈ نے اس فلم کی نمائش کے لیے سنسر سرٹیفکیٹ جاری نہیں کیا ہے۔
چیئرمین سنسر بورڈ نے بتایا کہ بورڈ کی جانب سے فلم رئیس کی اسکریننگ ہوگئی ہے تاہم اس فلم کی پاکستان میں نمائش سے متعلق کوئی بھی فیصلہ پیر کو ہوگا جب کہ سنسر بورڈ میں موجود ارکان کا کہنا ہے کہ اس فلم سے متعلق کوئی بھی فیصلہ کرنے کے لیے بورڈ کو تاحکم ثانی روک دیا گیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔