ماہرہ اورشاہ رخ کا وہ گانا جو فلم ’’رئیس‘‘ میں شامل نہیں کیا گیا

نئے ریلیز ہونے والے گانے نے دیگر گانوں کی طرح ایک بار پھر سوشل میڈیا پر دھوم مچادی ہے۔ فوٹو : اسکرین گریب

---

KABUL: فلم 'رئیس' کا ایک اور گانا 'ہلکا ہلکا' ریلیز کردیا گیا ہے تاہم گانے کو فلم میں شامل نہیں کیا گیا ہے۔

بالی وڈ کنگ شاہ رخ خان اور پاکستانی اداکارہ ماہرہ خان کی فلم رئیس نہ صرف بھارت بلکہ دنیا بھر میں دھوم مچارہی ہے اور اب تک فلم نے 200 کروڑ سے زائد کا بزنس کرلیا ہے جس کے بعد اس کا شمار کامیاب ترین فلموں میں کیا جارہا ہے۔

فلم رئیس کو ریلیز ہوئے کافی دن گزر چکے ہیں جب کہ فلم کی ریلیز سے قبل ہی اس کے گانوں نے دھوم مچادی تھی تاہم اب رئیس کا نیا گانا 'ہلکا ہلکا' ریلیز کیا گیا ہے جو فلم میں شامل ہی نہیں، نئے ریلیز ہونے والے گانے نے دیگر گانوں کی طرح ایک بار پھر سوشل میڈیا پر دھوم مچادی ہے اور اب تک لاکھوں لوگ اس گانے کو دیکھ چکے ہیں۔

اس خبر کو بھی پڑھیں : شاہ رخ اور ماہرہ کی فلم ''رئیس'' نے 200 کروڑ کمالیے

واضح رہے کہ راہول ڈھولکیا کی ہدایت کاری میں بننے والی فلم میں ماہرہ نے شاہ رخ کی اہلیہ کا کردار ادا کیا ہے جب کہ ہندو انتہا پسندوں نے اپنی غنڈہ گردی کا مظاہرہ کرتے ہوئے فلم سے ماہرہ خان کے مناظر نکالنے کا مطالبہ بھی کیا تھا۔