موٹروے انٹرچینج پر بس اور ٹرالر کے درمیان تصادم کے نتیجے میں 2 مسافر جاں بحق اور 27 زخمی ہوگئے۔

ایکسپریس نیوز کے مطابق شیخوپورہ میں رات گئے موٹروے انٹرچینج کے قریب مسافر بس اور ٹرالر کے درمیان تصادم ہوگیا جس کے نتیجے میں 2 مسافر موقع پر ہی جاں بحق جب کہ 27 زخمی ہوگئے۔ ریسکیو ذرائع کے مطابق حادثہ دھند کے باعث پیش آیا اور مخالف سمت سے آنے والا ٹرالر مسافر بس سے جا ٹکرایا، حادثے کی اطلاع ملتے ہی ریسکیو اہلکار موقع پر پہنچ گئے اور زخمیوں کو قریبی اسپتال منتقل کیا جہاں بعض زخمیوں کی حالت تشویشناک بتائی جاتی ہے۔