وزارت داخلہ نے الطاف حسین کے ریڈ وارنٹ جاری کرنے کی منظوری دیدی

الطاف حسین پاکستان میں عمران فاروق قتل کیس سمیت دہشت گردی کے مختلف مقدمات میں مطلوب ہیں۔

ویب ڈیسک February 07, 2017

الطاف حسین پاکستان میں عمران فاروق قتل کیس سمیت دہشت گردی کے مختلف مقدمات میں مطلوب ہیں۔ فوٹو: فائل

لاہور: وزارت داخلہ نے عمران فاروق قتل کیس میں ایم کیو ایم کے بانی الطاف حسین کے ریڈ وارنٹ جاری کرنے کی منظوری دے دی۔

ایکسپریس نیوز کے مطابق وزارت داخلہ نے عمران فاروق قتل کیس کے حوالے سے ایم کیو ایم کے بانی الطاف حسین کے ریڈ وارنٹ جاری کرنے کی منظوری دے دی ہے۔ نمائندہ ایکسپریس نیوز کے مطابق الطاف حسین پاکستان میں عمران فاروق قتل کیس اور دہشت گردی سمیت دیگر مختلف مقدمات میں مطلوب ہیں اور اسی بنا پر ان کے وارنٹ جاری کرنے کی منظوری دی گئی ہے۔

اس خبر کو بھی پڑھیں؛ پاکستان کا الطاف حسین کے خلاف کیس ختم کرنے پر تشویش کا اظہار

دوسری جانب ذرائع کا کہنا ہےکہ پاکستان اور برطانیہ کے درمیان ملزمان کی حوالگی کے حوالے سے کسی قسم کا قانون موجود نہیں اور اس کیس میں الطاف حسین کی گرفتاری کے لیے برطانوی حکومت کا راضی ہونا بہت ضروری ہے جب کہ پاکستانی وزارت داخلہ کی جانب سے جاری ریڈوارنٹ برطانوی وزارت داخلہ کو بھیجا جائے گا جس کے بعد برطانوی حکومت قانون کے تحت اس وارنٹ کو دیکھنے کی پابند ہوگی۔