بسمعہ معروف نے 2000 رنز کا سنگ میل عبور کر لیا

2 ہزار رنز مکمل کرنے کیلیے بسمعہ معروف کو 12 رنز درکار تھے۔ فوٹو : اے ایف پی / فائل

---

پاکستان کی ویمن کرکٹر بسمعہ معروف نے ون ڈے انٹرنیشلز میں 2000 رنز مکمل کر لیے، وہ یہ کارنامہ انجام دینے والی پہلی پاکستانی ویمن کرکٹر ہیں۔ 2 ہزار رنز مکمل کرنے کیلیے انہیں 12 رنز درکار تھے۔

آئی سی سی ورلڈ کپ کوالیفائرز میں بنگلہ دیش کے خلاف میچ سے قبل بسمعہ معروف نے 35 رنز کی اننگز کھیلی اور یہ سنگ میل عبور کیا۔ 25 سالہ آل راؤنڈر نے 87 میچز میں 26.97 کی اوسط سے 2023 رنز اسکور کرنے کے ساتھ 33 وکٹیں بھی اپنے نام کر رکھی ہیں۔

اس خبر کو بھی پڑھیں :ویمنز ورلڈ کپ کوالیفائرز؛پاکستان نے بنگلہ دیش کو شکست دیدی

جب کہ 74 ٹی ٹوئنٹی انٹرنیشنلز میں 1351 رنز بنانے کے ساتھ 30 وکٹیں بھی حاصل کی ہیں۔ انہوں نے 2006 میں ون ڈے ڈیبیو کیا جب کہ ٹی ٹوئنٹی میں پہلا میچ 2009 میں آئر لینڈ کے خلاف کھیلا۔