سنجے کپور اور ہربھجن سنگھ بھی پی ایس ایل کے دیوانے

اداکار سنجے کپور اور کرکٹر ہربھجن سنگھ نے پی ایس ایل میں اپنی پسندیدہ ٹیمیں بتادیں، فوٹو؛ فائل

---

پاکستان سپر لیگ کے دوسرے ایڈیشن نے شروع ہوتے ہی بھارت میں بھی دھوم مچا دی اور بھارتی ادکار و کرکٹر بھی اس کے دیوانے نکلے۔

پاکستان سپر لیگ کا بخار پاکستان اور مڈل ایسٹ کے علاوہ اب بھارت میں پہنچ گیا ہے اور بھارت کی کرکٹ اور فلمی دنیا کی نامور شخصیات نے بھی پی ایس یل کے لیے نیک خواہشات کے اظہار کے ساتھ اپنی اپنی ٹیموں کی حمایت کرڈالی ہے۔

بالی ووڈ سپر اسٹار انیل کپور کے بھائی سنجے کپور نے پاکستان سپر لیگ کی ٹیم ''پشاور زلمی'' کے لیے نیک خواہشات کا اظہار کیا ہے۔ سماجی رابطے کی ویب سائٹ ٹوئٹر پر سنجے کپورنے شاہد آفریدی کی ٹیم پشاور زلمی کو اپنی ٹیم قرار دیتے ہوئے کہا کہ پشاور زلمی میری ٹیم ہے اور اس کی کامیابی کے لیے ڈھیر ساری دعائیں ان کے ساتھ ہیں اور میرا تعلق بھی پشاور سے ہے۔

Thank You Sanjay Kapoor for this lovely message for @JAfridi10 and @PeshawarZalmi
PSL bring India Pakistan together.#ZaYamZalmai pic.twitter.com/BEX2ArO0Op

— Zalmi Media Official (@PZalmiMedia) February 8, 2017

بھارتی کرکٹر ہر بھجن سنگھ نے بھی اپنے دوست پاکستانی اسٹار کرکٹر شاہد آفریدی اور پی ایس ایل میں ان کی ٹیم پشاور زلمی کے لیے ویڈیو پیغام میں نیک خواہشات کا اظہار کیا۔

Happiness is when @harbhajan_singh wishes @SAfridiOfficial and @PeshawarZalmi good luck for @thePSLt20 :) #ZaYamZalmi #AbKhelJamayGa pic.twitter.com/dKrVi959LS

— Zalmi Media Official (@PZalmiMedia) February 6, 2017