رینجرزکا لیاری کھڈا مارکیٹ میں ٹارگٹڈ آپریشن

انتہائی مطلوب وصی اﷲ کے دست راست شاہ زیب سمیت 5 افراد گرفتار۔ فوٹو:اے ایف پی/فائل

---

رینجرز سندھ نے لیاری میں ٹارگٹڈ آپریشن کے دوران گینگ وار کے4 کارندوں کو حراست میں لے کر تفتیش کے لیے نامعلوم مقام پر منتقل کر دیا ۔

تفصیلات کے مطابق پاکستان رینجرز سندھ نے خفیہ اطلاع پر لیاری کے علاقے کھڈا مارکیٹ میں ٹارگٹڈ آپریشن کے دوران پورے علاقے کی ناکہ بندی کر کے گینگ وار کے انتہائی مطلوب وصی اﷲ لاکھوکے دست راست شاہ زیب بلوچ سمیت 5 افراد کو حراست میں لے کر تفتیش کے لیے نامعلوم مقام پر منتقل کر دیا جبکہ ملزمان کے قبضے سے2 نائن ایم ایم پستول اور دیگر اسلحہ و گولیاں برآمد ہوئیں ہیں۔