بونیر میں بارودی سرنگ کا دھماکا 2 بھائی جاں بحق اوربہن زخمی

جاں بحق ہونے والے دونوں بھائی چرواہے ہیں اور کھیتوں میں کام کے دوران بارودی سرنگ کی زد میں آگئے، پولیس۔ فوٹو: فائل

---

بارودی سرنگ کے دھماکے میں 2 بھائی جاں بحق اوربہن زخمی ہوگئی۔

ایکسپریس نیوز کے مطابق بونیر کے علاقے خائستہ بابا میں بارودی سرنگ کے دھماکے سے 2 افراد جاں بحق جب کہ خاتون زخمی ہوگئی، پولیس کے مطابق دونوں جاں بحق ہونے والے افراد بھائی ہیں اور زخمی خاتون بہن ہے جس کو اسپتال منتقل کردیا گیا ہے۔

اس خبر کو بھی پڑھیں : بارودی سرنگ کے دھماکے سے 3 بچوں سمیت 4 افراد جاں بحق

پولیس کا کہنا ہے کہ جاں بحق ہونے والے دونوں بھائی چرواہے ہیں اور کھیتوں میں کام کے دوران بارودی سرنگ کی زد میں آگئے ہیں تاہم واقعے کی مزید تحقیقات کی جارہی ہیں