عمر اکمل کا ٹی ٹوئنٹی میں منفرد ریکارڈ

پشاور زلمی کے خلاف صفر پر آؤٹ ہو کر عمر اکمل نے سب سے زیادہ صفر پر آؤٹ ہونے کا کارنامہ اپنے نام کیا۔ فوٹو: سوشل میڈیا

---

قومی کرکٹ ٹیم کے مڈل آرڈر بلے باز عمر اکمل نے ٹی ٹوئنٹی کرکٹ میں سب سے زیادہ بار صفر پر آؤٹ ہونے کا منفرد ریکارڈ اپنے نام کر لیا ہے۔

پاکستان سپر لیگ کے چھٹے میچ میں عمر اکمل نوجوان فاسٹ بولر حسن علی کی گیند پر سلپ میں محمد حفیظ کے ہاتھوں صفر پر کیچ آؤٹ ہونے کے ساتھ ایسا منفرد ریکارڈ بھی اپنے نام کیا جس کی تمنا کوئی بھی کھلاڑی نہیں کرتا۔ پشاور زلمی کے خلاف اپنا کھاتا کھولے بغیر ہی آؤٹ ہونے پر عمر اکمل ٹی ٹوئنٹی کرکٹ میں سب سے زیادہ بار صفر پر آؤٹ ہونے والے کھلاڑی بن گئے۔

اس خبر کو بھی پڑھیں: پشاور زلمی نے لاہور قلندرز کو 3 وکٹوں سے شکست دیدی

عمر اکمل گزشتہ روز پشاور زلمی کے خلاف صفر پر آؤٹ ہوئے تو یہ ڈومیسٹک یا انٹرنیشنل کرکٹ کی 203 اننگز میں ان کا 24 واں ڈک تھا۔

عمر اکمل نے ویسٹ انڈیز کے ڈیوائن اسمتھ، جنوبی افریقا کے ہرشل گبز اور سری لنکا کے تلکارتنے دلشن کا ریکارڈ توڑا جو ٹی ٹوئنٹی کرکٹ میں 23 مرتبہ صفر پر آؤٹ ہوئے۔