آرمی چیف جنرل قمرجاوید باجوہ کا اسٹریٹجک پلانز ڈویژن کا دورہ آئی ایس پی آر

اسٹریٹجک پروگرام میں سائنسدانوں کی کاوشیں قابل ستائش ہیں، سربراہ پاک فوج

ویب ڈیسک February 13, 2017

اسٹریٹجک پروگرام میں سائنسدانوں کی کاوشیں قابل ستائش ہیں، سربراہ پاک فوج، فوٹو؛ آئی ایس پی آر

آرمی چیف جنرل قمر جاوید باجوہ نے اسٹریٹجک پلانز ڈویژن کا دورہ کیا جہاں انہیں پروگرام سے متعلق بریفنگ دی گئی۔

پاک فوج کے ترجمان میجر جنرل آصف غفور کی جانب سے جاری بیان کے مطابق آرمی چیف جنرل قمر جاوید باجوہ نے اسٹریٹجک پلانزڈویژن کا دورہ کیا جہاں ڈی جی اسٹریٹجک پلانز ڈویژن لیفٹیننٹ جنرل مظہر جمیل نے آرمی چیف کا استقبال کیا اور انہیں اسٹریٹجک پروگرام سے متعلق بریفنگ دی جب کہ آرمی چیف نے اسٹرٹیجک پلانزڈویژن کے جامع سیکیورٹی نظام پرمکمل اطمینان کا اظہار کیا۔

#COAS visited Strategic Plans Division. Underlined the centrality of Pakistan's Strategic Program against specified threat to our security. pic.twitter.com/uDRjKVa0QR
— DG ISPR (@OfficialDGISPR) February 13, 2017

اس خبر کو بھی پڑھیں :فاٹا کو قومی دھارے میں لانے کی حمایت کریں گے، آرمی چیف

اس موقع پر پاک فوج کے سربراہ کا کہنا تھا کہ پاکستان کے دفاع میں اسٹرٹیجک پلانزڈویژن کا اہم ترین کردارہے اور اسٹریٹجک پروگرام میں سائنسدانوں کی کاوشیں قابل ستائش ہیں۔ انہوں نے کہا کہ سائنس دانوں اورانجینئرزنے ملکی دفاع کوناقابل تسخیربنایا ہے۔