جعفر ایکسپریس پر فائرنگ کے نتیجے میں 5 افراد جاں بحق اور 25 زخمی ہو گئے۔

ایکسپریس نیوز کے نمائندے کے مطابق سبی سے کوئٹہ جانے والی ٹرین پر وادی بولان کے مقام پر مسلح افراد نے نامعلوم سمت سے فائرنگ کی جس کے نتیجے میں ایک سیکیورٹی اہلکار سمیت 5 افراد جاں بحق اور 25 زخمی ہو گئے۔

ایس ایس پی ریلوے شفیق مغل کی سربراہی میں پولیس ٹیمیں جائے وقوعہ پر پہنچ گئیں، ایدھی زرائع کے مطابق زخمیوں کو طبی امداد کے لئے کوئٹہ کے اسپتال منتقل کیا جا رہا ہے۔