سی آئی ڈی پولیس نےڈیفنس فیزون میں مقابلےکےبعد 5 بھتہ خوروں کو گرفتارکرلیا۔
ایس پی انویسٹی گیشن سی آئی ڈی مظہرمشوانی نے پریس کانفرنس کرتے ہوئے بتایا کہ ملزمان ڈیفنس فیزون میں تاجرسے بھتہ لینےگئےتھے اور پولیس کو دیکھ کر انہوں نے فائرنگ کردی تاہم پولیس کی جوابی فائرنگ سےایک ملزم لقمان زخمی ہوگیا۔
ملزمان کا تعلق حمیداللہ نیازی لیاری گروپ سے ہے، سی آئی ڈی پولیس نے ملزمان کے قبضے سے 5 پستول ، ایک کلاشنکوف ، 3 ہیڈ گرینیڈ، 3 ریپیٹر، ایک چائنہ رائفل ،6 ٹی ٹی پستول، سینکڑوں گولیاں اورمسروقہ موٹرسائیکلیں برآمد کرلیں۔