سچن ٹنڈولکر پر بنی فلم 26 مئی کو ریلیز ہوگی

بھارت کے سابق اسٹار بیٹسمین سچن ٹنڈولکر کی زندگی پر بننے والی فلم رواں برس 26 مئی کو ریلیز ہوگی۔

'سچن، اے بلینز ڈریمز' کا نہ صرف بھارت بلکہ دنیا بھر کے کرکٹ شائقین کو بے چینی سے انتظار ہے، اس کے ریلیز ہونے کی تاریخ کا اعلان خود سچن ٹنڈولکر نے اپنے ٹویٹر اکاؤنٹ پر کیا۔


سچن ٹنڈولکر نے کہا کہ 'ہر ایک جو سوال مجھ سے پوچھ رہا ہے اس کا جواب یہ ہے کہ آپ اپنے کیلنڈر پر 26 مئی کی تاریخ کے گرد دائرہ لگادیں اسی روز یہ فلم ریلیز ہوگی'۔

یاد رہے کہ اس فلم کا نام بھی سچن ٹنڈولکرنے خود ہی ٹویٹر پربتایا تھا۔