سانحہ لاہورپرگرانٹ ایلیٹ متاثرین کے غم میں شریک

لاہور میں موجود لوگوں کو پیغام دینا چاہتا ہوں کہ امید ہے انشا اللہ حالات جلد بہتر ہو جائیں گے،گرانٹ ایلیٹ ۔ فوٹو ٹوئٹر

---

پاکستان سپر لیگ کی ٹیم لاہور قلندرز میں شامل نیوزی لینڈ کے اسٹار آل راؤنڈر گرانٹ ایلیٹ نے گزشتہ روز سانحہ لاہور کے متاثرین سے ہمدردی کا اظہار کرتے ہوئے پاکستانی عوام اور مداحوں کیلیے ویڈیو پیغام جاری کیا ہے۔

گرانٹ ایلیٹ نے اپنے مختصراً ویڈیو پیغام میں کہا ہے کہ میری تمام ہمدردیاں حملے میں اپنے پیاروں سے محروم ہونے والے افراد کے ساتھ ہیں، لاہور میں موجود لوگوں کو پیغام دینا چاہتا ہوں کہ امید ہے انشا اللہ حالات جلد بہتر ہو جائیں گے۔

A message from @grantelliottnz of @lahoreqalandars for the Lahoris. STAY STRONG LAHORE! pic.twitter.com/bo63nSr6rH

— Lahore Qalandars (@lahoreqalandars) February 14, 2017

آل راؤنڈر کی جانب سے خیرسگالی کے پیغام کے بعد سوشل میڈیا پر ان کے اس اقدام کو سراہا جا رہا ہے اور پاکستانی صارفین نے غم کی گھڑی میں پاکستانی قوم کے ساتھ کھڑے ہونے پر ان کا شکریہ ادا کیا جب کہ بعض نے ان کیلیے نیک خواہشات کا اظہار کرتے ہوئے لاہور میں فائنل کیلیے دعوت دے ڈالی۔

اس خبر کو بھی پڑھیں :لاہورمیں خودکش حملہ

واضح ر ہے کہ گزشتہ روزمال روڈ پرخودکش حملے میں ڈی آئی جی ٹریفک لاہور کیپٹن (ر) احمد مبین اور ایس ایس پی زاہد گوندل سمیت 13 افراد شہید اور 100 سے زائد افراد زخمی ہوگئے تھے۔