حالیہ دہشت گردی پاکستان نے پاک افغان بارڈر بند کردیا

بارڈرپرامیگریشن کاعمل روک کرایف سی تعینات کردی گئی، ذرائع، فوٹو؛ فائل

---

پاکستان نے حالیہ دہشت گردی کے واقعات کے بعد طورخم پر پاک افغان بارڈر کو غیر معینہ مدت کے لیے بند کردیا۔

ملک میں حالیہ دہشت گردی کے واقعات کی کڑیاں افغانستان سے ملنے کے بعد پاک افغان تعلقات میں کشیدگی بڑھ گئی جب کہ حکومت پاکستان نے آج درگاہ لعل شہباز قلندر میں خود کش دھماکے کے بعد طورخم پر پاک افغان بارڈر کو غیر معینہ مدت تک بند کرنے کا اعلان کردیا ہے۔

Pakistan-Afghanistan Border closed with immediate effects till further orders due to security reasons.

— DG ISPR (@OfficialDGISPR) February 16, 2017

اس خبر کو بھی پڑھیں؛ درگاہ لعل شہباز قلندر میں خودکش حملہ

ذرائع کے مطابق پاک افغان طور خم بارڈرسے ہرقسم کی آمدورفت پر پابندی رہے گی جب کہ بارڈرپرامیگریشن کاعمل روک کرایف سی تعینات کردی گئی ہے۔

اس خبر کو بھی پڑھیں؛ حالیہ دہشت گردی کی منصوبہ بندی افغانستان میں ہورہی ہے، آئی ایس پی آر

واضح رہےکہ پاکستان میں دہشت گردی کے لیے افغانستان کی سرزمین استعمال ہونے پر پاکستان میں افغان سفیر کو دفتر خارجہ طلب کرکے شدید احتجاج بھی کیا گیا تھا۔