پاکستان کرکٹ بورڈ سالانہ ایوارڈز کی تقریب کا انعقاد اکتوبر میں کرے گا

پاکستان کرکٹ بورڈ سالانہ ایوارڈز دینے کیلیے تقریب کا انعقاد اکتوبر میں کرے گی۔ فائل فوٹو

---

پاکستان کرکٹ بورڈ آئی سی سی کی طرز پر سالانہ ایوارڈز دینے کیلیے تقریب کا انعقاد اکتوبر میں کرے گا جس میں غیر ملکی مہمانوں کو بھی دعوت دی جائے گی۔

غیرملکی نیوز ایجنسی کے مطابق پی سی بی ایک شاندار محفل سجا کر جہاں نمایاں کارکردگی دکھانے والے کرکٹرز کی صلاحیتوں کی پذیرائی کرنا چاہتا ہے وہیں کرکٹ کھیلنے والی دیگر اقوام اور آئی سی سی کے عہدیداروں کو ملک کے مثبت پہلوئوں سے روشناس کرنے کا مقصد بھی پیش نظر ہوگا۔ ایونٹ کو یاد گار بنانے کیلیے مختلف کمپنیوں سے تجاویز اور معاونت طلب کرلی گئی ہے۔

ذرائع کے مطابق پاکستان میں انٹرنیشنل کرکٹ کی بحالی کیلیے کوشاں پی سی بی کا خیال ہے کہ دیگر بورڈز کے آفیشلز کو تقریب میں بلا کر ملک کا بہتر تاثر نمایاں اور سیکیورٹی تحفظات دور کیے جاسکتے ہیں۔