ون ڈے انٹرنیشنل کرکٹ سے ریٹائرمنٹ لینے والے بھارتی ماسٹر بیٹسمین سچن ٹنڈولکر نے رنجی ٹرافی میچ میں سنچری جڑڈالی۔

انھوں نے اپنی 80ویں فرسٹ کلاس سنچری برودا کیخلاف کوارٹر فائنل میچ میں بنائی، 39 سالہ بیٹسمین کی یہ ایونٹ میں 18ویں سنچری ہے، انھیں گاوسکر کی مجموعی 81 فرسٹ کلاس سنچریوں کا ریکارڈ برابر کرنے کیلیے مزید ایک تھری فیگر اننگز کی ضرورت ہے لیکن گاوسکر رنجی ٹرافی میں 20 سنچریاں بناچکے ہیں، میچ کے پہلے دن برودا کیخلاف ممبئی کا اسکور ابتدائی دن 3وکٹ پر 272رنز ہے، جس میں ٹنڈولکر108 اور وسیم جعفر137 پر ناٹ آئوٹ ہیں۔