ہمیں دیوار سے لگانے کی سازش کی جارہی ہے شاہی سید

صحافیوں کے وفد سے ملاقات، صوبے کی مجموعی سیاسی صورتحال پر تبادلہ خیال۔ فوٹو: فائل

---

ISLAMABAD: عوامی نیشنل پارٹی سندھ کے اعلامیے کے مطابق صوبہ خیبر پختون خوا ہ سے تعلق رکھنے والے صحافیوں کے وفد کی مردان ہائوس میں سینیٹر شاہی سید سے ملاقات کی۔

ملاقات میں صوبے کی مجموعی سیاسی صورتحال اور خاص طور پر کراچی کی صورتحال پر تبادلہ خیال کیا، اس موقع پر سینیٹر شاہی سید نے کہا کہ جس مخصوص مائنڈسیٹ کو خیبر پختون خواہ میں سامنا ہے، وہی مائنڈ سیٹ کراچی میں بھی عوامی نیشنل پارٹی کو نشانہ بنارہا ہے انتہائی تشویش ناک امر یہ ہے کہ کراچی میں عوامی نیشنل پارٹی کو دو طرفہ دہشت گردی کا سامنا ہے۔



پختونون کے اکثریتی علاقے بنیادی ضروریات زندگی سے یکسر محروم ہیں، کراچی میں پختونوں کا معاشی ،تعلیمی اور سیاسی استحصال جاری ہے اور ہمیں دیوار سے لگانے کی مذموم سازش کی جارہی ہے،دریں اثنا ڈسٹرکٹ گلستان جوہر میں ضلعی صدر یونس خان بونیری کی سربراہی میں ہونے والے اجلاس میںپی ایس 125 کی کابینہ کو ختم کرکے تنظیم نو کیلیے آرگنائزنگ کمیٹی تشکیل دیدی گئی ہے۔