کراچی کے علاقے بنارس میں بھائی نے فائرنگ کرکے بہن کو قتل کردیا

مقتولہ کی بھائی سے تلخ کلامی ہوئی جس پر اسے فائرنگ کرکے قتل کیا گیا، پولیس، فوٹو؛ فائل

---

بنارس پٹھان كالونی میں سگے بھائی نے فائرنگ كركے بہن كو قتل كردیا۔

نمائندہ ایکسپریس کے مطابق کراچی کے علاقے بنارس پل كے قریب پٹھان كالونی میں واقع مكان میں فائرنگ سے خاتون جاں بحق ہوگئی۔ پولیس کے مطابق خاتون حیدرآباد کی رہائشی ہے جو اپنے والدین سے ملنے کراچی آئی ہوئی تھی جہاں مقتولہ اور اس كے بھائی كے درمیان كسی بات پر تلخ كلامی ہوئی جس پر بھائی نے مشتعل ہوكر اپنی بہن پر فائرنگ كردی اور فرار ہو گیا۔

پولیس کا کہنا ہےکہ فائرنگ کے نتیجے میں خاتون موقع پر ہی جاں بحق ہوگئی جب کہ پولیس نے مقتولہ كے والد كو پوچھ گچھ كے لیے حراست میں لے لیا اور خاتون کی لاش تحویل میں لے کر ضابطے کی کارروائی شروع کردی۔