وزارت داخلہ نے لانگ مارچ کی سیکیورٹی کیلئے حکومت سے 25 کروڑ مانگ لئے

ملنے والی رقم سے لانگ مارچ میں تعینات کیے جانے والے 10 ہزار سیکیورٹی اہلکارروں کو کھانا، پیٹرول اور دیگر سہولتیں فراہم کی جائیں گی۔ فوٹو: فائل

---

وزارت داخلہ نے ڈاکٹر طاہرالقادری کے لانگ مارچ کی سیکیورٹی کے حوالے سے وفاقی حکومت سے 25 کروڑ روپے مانگ لئے۔

اسلام آباد میں وزیر داخلہ رحمان ملک کی زیر صدارت اجلاس میں طاہرالقادری کے لانگ مارچ کے شرکا کو درپیش خطرات کا جائزہ لیا گیا اور اس حوالے سے سینئر افسران کی ٹیم کو 11 جنوری تک رپورٹ پیش کرنے کی ہدایت کی گئی۔

اجلاس میں رحمان ملک نے لانگ مارچ کی سیکیورٹی کے حوالے سے مانگی گئی رقم کا معاملہ وزارت خزانہ کو بھیجنے کی بھی ہدایت کی، ملنے والی رقم سے لانگ مارچ میں تعینات کیے جانے والے 10 ہزار سیکیورٹی اہلکارروں کو کھانا، پیٹرول اور دیگر سہولتیں فراہم کی جائیں گی۔