پاک فوج کی افغان بارڈر پر گولہ باری لاہور حملے کا ماسٹر مائنڈ ہلاک
پاک فوج کی کارروائی میں جماعت الاحرار کا ایک اور انتہائی مطلوب دہشت گرد ہلاک ہوا
لاہور حملے کا ماسٹر مائنڈ وجیہہ اللہ الیاس پاکستان کی دشمن ایجنسیوں کا معاونت کار بھی تھا، فوٹو؛ آئی ایس پی آر
پاک فوج کی جانب سے افغان بارڈر پر گولہ باری میں 2 انتہائی مطلوب دہشت گرد ہلاک ہوگئے جن میں لاہور حملے کا ماسٹر مائنڈ بھی شامل ہے۔
ایکسپریس نیوز کے مطابق پاک فوج نے آپریشن رد الفساد میں افغان بارڈر پر گولہ باری کی جس میں 2 انتہائی مطلوب دہشت گرد مارے گئے۔ سیکیورٹی ذرائع نے بتایا کہ ہلاک ہونے والے دہشت گردوں کا تعلق کالعدم جماعت الاحرار سے ہے جب کہ ان میں ہلاک ہونے والا ایک دہشت گرد وجیہہ اللہ الیاس لاہور خودکش حملے کا ماسٹر مائنڈ تھا۔
اس خبر کو بھی پڑھیں : لاہورخودکش حملے میں 13 افراد شہید
سیکیورٹی ذرائع کے مطابق وجیہہ اللہ پاکستان میں دشمن ایجنسیوں کا معاونت کار تھا جو پہلے بھی پنجاب میں دہشت گردی کی کارروائیوں میں ملوث رہا ہے۔ سیکیورٹی ذرائع نے مزید بتایا کہ کارروائی کے دوران ہلاک ہونے والا کالعدم جماعت الاحرار کا دوسرا دہشت گرد حکمت عرف قاری زبیر ہے جو افغانستان میں جماعت الاحرار کے ٹرانزٹ کیمپ کا انچارج تھا جب کہ پاکستان کی دشمن ایجنسیوں کا رابطہ کار بھی تھا۔
اس خبر کو بھی پڑھیں: پاک فوج کا ملک بھر میں آپریشن ''رد الفساد'' شروع کرنے کا اعلان
واضح رہےکہ ملک میں حالیہ دنوں میں ہونے والی دہشت گردی کی وارداتوں کی ذمہ داری کالعدم جماعت الاحرار نے قبول کی تھی جب کہ پاک فوج نے دہشت گردی کی ان کارروائیوں کے بعد افغانستان کے سرحدی علاقوں میں کارروائی کی تھی جس میں جماعت الاحرار کے کیمپوں اور تربیت گاہوں کو تباہ کیا گیا تھا۔
ایکسپریس نیوز کے مطابق پاک فوج نے آپریشن رد الفساد میں افغان بارڈر پر گولہ باری کی جس میں 2 انتہائی مطلوب دہشت گرد مارے گئے۔ سیکیورٹی ذرائع نے بتایا کہ ہلاک ہونے والے دہشت گردوں کا تعلق کالعدم جماعت الاحرار سے ہے جب کہ ان میں ہلاک ہونے والا ایک دہشت گرد وجیہہ اللہ الیاس لاہور خودکش حملے کا ماسٹر مائنڈ تھا۔
اس خبر کو بھی پڑھیں : لاہورخودکش حملے میں 13 افراد شہید
سیکیورٹی ذرائع کے مطابق وجیہہ اللہ پاکستان میں دشمن ایجنسیوں کا معاونت کار تھا جو پہلے بھی پنجاب میں دہشت گردی کی کارروائیوں میں ملوث رہا ہے۔ سیکیورٹی ذرائع نے مزید بتایا کہ کارروائی کے دوران ہلاک ہونے والا کالعدم جماعت الاحرار کا دوسرا دہشت گرد حکمت عرف قاری زبیر ہے جو افغانستان میں جماعت الاحرار کے ٹرانزٹ کیمپ کا انچارج تھا جب کہ پاکستان کی دشمن ایجنسیوں کا رابطہ کار بھی تھا۔
اس خبر کو بھی پڑھیں: پاک فوج کا ملک بھر میں آپریشن ''رد الفساد'' شروع کرنے کا اعلان
واضح رہےکہ ملک میں حالیہ دنوں میں ہونے والی دہشت گردی کی وارداتوں کی ذمہ داری کالعدم جماعت الاحرار نے قبول کی تھی جب کہ پاک فوج نے دہشت گردی کی ان کارروائیوں کے بعد افغانستان کے سرحدی علاقوں میں کارروائی کی تھی جس میں جماعت الاحرار کے کیمپوں اور تربیت گاہوں کو تباہ کیا گیا تھا۔