پاکستان کی عزت جان سے زیادہ عزیز ہے مہرین سید

آج جو کچھ بھی ہوں صرف اپنے ملک کی وجہ سے ہوں، مہرین سید۔ فوٹو : فائل

---

ماڈل مہرین سید نے کہا ہے کہ پاکستان کی عزت جان سے زیادہ عزیز ہے۔بیرون ممالک میں پاکستان کا امیج خراب کرنے والیوں کو پاکستان میں رہنے کا بھی کوئی حق نہیں

اپنے ایک انٹرویو کے دوران دنیا کی پرکشش خواتین میں دسویں نمبر پر آنیوالی ماڈل مہرین سید کا کہنا ہے کہ میں بین الاقوامی سطح پر فیشن انڈسٹری اور فلم انڈسٹری کے لیے کام کر رہی ہوں اور ہمیشہ اپنے ملک کی عزت اور احترام کا خیال رکھا ہے۔ انھوں نے کہا کہ میں آج جو کچھ بھی ہوں صرف اپنے ملک کی وجہ سے ہوں اور میں چاہتی ہوں کہ دنیا بھر میں پاکستان کی عزت اور احترام میں مزید اضافہ ہو۔