مسلح افراد نے منگھو پیر تھانے پر حملہ کردیا تاہم پولیس کی جوابی کارروائی پر ملزمان فرار ہوگئے۔

پولیس حکام کے مطابق منگھو پیر تھانے پر کافی دیر تک کئی اطراف سے شدید فائرنگ کی گئی جس سے پورا علاقہ گونج اٹھا، حملے کے بعد پورے زون کی پولیس اور رینجرز کی نفری وہاں پہنچ گئی جس کے بعد جوابی کارروائی پر حملہ آور فرار ہوگئے۔ ذرائع کے مطابق حملہ آور تھانے میں کھڑی نیٹو کی گاڑیوں کو آگ لگانا یا چھیننا چاہتے تھے۔

واضح رہے کہ اس علاقے میں پہلے بھی پولیس اہلکاروں پر حملہ اور بم دھماکے ہوچکے ہیں۔