حیدرآباد میں ڈکیتیاں مزاحمت پر فائرنگ رکشہ ڈرائیور زخمی

بھٹائی نگر تھانے کی حد گستان سجاد سے مہر بھٹی کی موٹر سائیکل چوری کر لی گئی۔ فوٹو: فائل

---

قاسم آباد فیز نمبر ون میں مسلح افراد نے لطیف آباد سے طلائی زیورات خرید کر آنے والی خاتون سے لوٹ مار کی کوشش کی اور پر مزاحمت پر مسلح افراد کی فائرنگ کے نتیجے میں رکشہ ڈرائیور 40 سالہ یونس شدید زخمی ہوگیا جبکہ ملزمان فرار ہوگئے۔



لطیف آباد اے سیکشن تھانے کی حدود لطیف آباد 8 میں مسلح افراد بینک سے رقم نکلواکر جانے والے فتح مل کے 2 ملازمین شبیر اور فاروق سے3 لاکھ روپے، قاسم آباد فراز سینٹر میں محمد حنیف سے ایک لاکھ روپے اور ایک موبائل فون، لطیف آباد نمبر 8 میں مسلح افراد نثار احمد کے گھر میں گھس کر اہل کانہ کو یرغمال بنا کر25 ہزار روپے کی نقدی، لاکھوں روپے کے طلائی زیورات، 4 موبائل فون اور دیگر قیمتی سامان لوٹ کر فرار ہوگئے۔ بھٹائی نگر تھانے کی حد گستان سجاد سے مہر بھٹی کی موٹر سائیکل چوری کر لی گئی۔