عرفان اللہ مروت کی پی پی میں شمولیت پربختاوراورآصفہ کی شدید مخالفت

ذہنی بیمارشخص کو جیل میں سڑنا چاہیئے پیپلزپارٹی میں شامل نہیں ہونا چاہیئے، بختاور بھٹو زرداری کا ٹوئٹ۔ فوٹو: فائل

---

KARACHI: بختاوراورآصفہ بھٹو زرداری اپنے والد آصف علی زرداری کے فیصلے کے خلاف کھڑی ہوگئیں اوردونوں بہنوں نے عرفان اللہ مروت کو پارٹی میں شامل کئے جانے کی شدید مخالفت کی ہے۔

مسلم لیگ (ن) کو خیرباد کہنے والے عرفان اللہ مروت نے گزشتہ روز آصف علی زرداری سے ملاقات کے بعد پیپلزپارٹی میں شمولیت کا اعلان کیا تھا جس پر بختاوراورآصف بھٹو زرداری نے شدید ناراضگی کا اظہار کیا ہے۔ سماجی رابطے کی ویب سائٹ ٹوئٹر پر اپنی ٹوئٹ میں بختاوربھٹو زرداری کا کہنا تھا کہ ذہنی بیمارشخص کو جیل میں سڑنا چاہیئے اور ایسے شخص کو پیپلزپارٹی میں شامل نہیں ہونا چاہیئے۔ بختاور کا کہنا تھا کہ ایسی جماعت جس کی قیادت ایک خاتون نے کی وہ ایسے افراد کو برداشت نہیں کرسکتی۔

Sick man should be rotting in a jail cell somewhere not coming anywhere near #PPP. Party that was led by a woman will not tolerate such ppl. https://t.co/2gBTSzsWHf

— Bakhtawar B-Zardari (@BakhtawarBZ) February 25, 2017

آصفہ بھٹو زرداری نے عرفان اللہ مروت کے حوالے سے اپنی ٹوئٹ میں لکھا کہ خواتین کی عزت کرنا پیپلزپارٹی کی بنیادری روایت ہے اس لئے عرفان اللہ مروت کو پارٹی میں نہیں ہونا چاہیئے کیوں کہ ان کے غیرقانونی اور گھناؤنے اقدامات قابل مذمت ہیں۔

Mr Irfanullah Marwat should not be in #PPP 1 of the core PPP values is respect for women! His repulsive&illegal actions are reprehensible

— Aseefa B Zardari (@AseefaBZ) February 25, 2017