4 لگاتار ون ڈے سنچریاںایمی سیٹرویتھ نےسنگاکارا کا عالمی ریکارڈ برابرکردیا

ایمی اس سے قبل پاکستان کیخلاف ہوم سیریز کے تینوں میچز میں بالترتیب 137،115 اور123 کی اننگز کھیل چکی ہیں ۔ فوٹو: آئی سی سی /فائل

---

کیوی بیٹسویمن ایمی سیٹر ویتھ نے ون ڈے میں 4 لگاتار سنچریاں بناکر سری لنکن کرکٹر کمار سنگاکارا کا ورلڈ ریکارڈ برابر کرلیا۔

ایمی سیٹر ویتھ نے یہ کارنامہ اتوار کو آسٹریلیا کیخلاف سیریز کے پہلے ون ڈے میں 102 کی ناقابل شکست اننگز کھیل کر انجام دیا۔

اس خبرکو بھی پڑھیں :اے بی ڈی ویلیئرز تیز ترین 9 ہزاررنزبنانے والے بیٹسمین بن گئے

ایمی سیٹر ویتھ اس سے قبل پاکستان کیخلاف ہوم سیریز کے تینوں میچز میں بالترتیب 137،115 اور123 کی اننگز کھیل چکی ہیں، جس میں ابتدائی دومواقع پر وہ ناٹ آؤٹ رہی تھیں، کیویز نے یہ معرکہ 5 وکٹ سے جیت کر سیریز میں بھی 0-1 کی برتری حاصل کرلی۔